Archive for March, 2015

सरकारका नाममा खुला पत्र

सरकार ! यसपल्ट गजप भयो । सोचेको पूरा भयो । हिजो इतिहासमा राजनीतिक नेतृत्वबाट थुप्रैपल्ट धोका खाएका हामीले यसपल्ट धोका खानुपरेन, अचम्म भयो । साँच्चै ! धोकाको सिलसिलाले यसपल्ट क्रमभङ्गता पायो । देशमा संविधान नबनोस् भन्ने कुतत्वहरू यसपल्ट बढारिए । देशमा सङ्क्रमण लम्बिदा नै आफ्नो भलो देख्नेहरू यसपल्ट नमज्जाले जिल्लिए । माघ ८ मा संविधान आउँदैन भन्नेहरूको सात्तो गयो । धन्य सरकार ! यसपल्ट हामीले विगतको जस्तो निराश हुनुपरेन । यसपल्ट हामीले संविधान पायौं । अधिकार पायौं । देशले वर्षौंदेखिको उल्झनबाट मुक्ति पायो । नयाँ नेपाल निर्माणको मूल ढोका खुल्यो । साँच्चै सरकार ! यसपल्ट हामी सिङ्गो हृदय निचोरेर धन्यावाद दिन्छौं । एकपल्ट हैन, हजारपल्ट धन्यवाद दिन्छौं ।
पोहोर चुनाव होला कि नहोला भन्ने थियो । बिथोल्नेहरूले सकेको उपद्रो मच्चाए । चुनाव लड्ने उम्मेद्वारका हातखुट्टा भाँच्ने धम्की दिए । मतदातालाई ‘चुनावमा भोट नहाल्न’ उर्दी जारी गरे । चुनावका दिन बिहानैदेखि बम पड्काए । तैपनि, हामी बम–बारुदको पर्वाह नगरी भोट हाल्न गयौं । आफ्ना नेताको जीउमा लागेको हिलोमैलो पखालेर उनीहरूलाई फेरि एकपल्ट सुकिलो बनााइदियौं । र, संविधान लेख्ने अभिमत दियौं ।

Read more »

© All Rights Reserved. Prabin Baniya 2014 | Developed by: Umesh Ghimire
;