Archive for the ‘कविता’ Category

मेरा किसान बा

उनी
धानको बिरुवासँगै जिन्दगी रोप्छन्
रोप्छन् हरिया सपनाहरू
पसिनाले हो कि पानीले
भिजाउँछन् पहाडी खेतको छाती !

एक दिन
त्यहीँनेर फुलाउँछन् खुसी
सुनजस्ता धानका बालाहरूमा !

Read more »

नानीहरु र देश

अध्याय एक–

नानीहरु–
झोलाभरि सुकिला अक्षरहरु बोकेर
सुदूर गाउँको पाठशाला धाइरेछन्
र, पढिरहेछन्– यो देशका उन्नत सपनाहरु ।

नानीहरु–
चेतनाले नबुझेरै पनि
कलिला आँखाहरु हेर्न थालेदेखि
यही देशको नक्सा हेरिरहेछन्
आवाज बोल्न थालेदेखि
यही देशको गीत गाइरहेछन्
र, कलिला खुट्टाहरु हिँड्न थालेदेखि
यही देश हिँडिरहेछन् ।

साँच्चै !
नानीहरुलाई यो देश सुहाउँछ कि सुहाउँदैन ?

Read more »

यावत् नासोहरु

जिन्दगीको आधी बाटोमा
छोडेर जाने मायालु !
जीवनको कुनै छेउमा
फेरि भेट भयो भने हाम्रो
तिमीलाई दिन बाँकी
केही कुरा छन्– मसँग ।
……………………..

Read more »

© All Rights Reserved. Prabin Baniya 2014 | Developed by: Umesh Ghimire
;